我唔聽中文歌既原因:
因為中文歌唱唱去都係個”愛”字，極之無聊，
mv拍得cheap之如，d歌手又柒。
又冇料，兼成日返唱其他國家歌手既歌。
美國同香港就真係有天壤之別，
rapper rap 埋政治，超勁~!!
Eminem, Snoop Dogg, Ludacris3個都係唱作人。
我由細到大都唔聽中文歌，甚至有抗拒~
所以，我i-pod全部都係英文歌
我想識多d呢類型既朋友。。。
歡迎你睇我廢up~
***我只係一個識音樂既o靚仔 by 網友 kingche917
———————————————————————–
在某大型 Forum 游走, 看到上面一篇發表。
明顯地, 這位 kingche 917 真的太久沒有接觸本地樂壇。
這幾年, 那一批近來炙火可熱的歌手己為樂壇添了一份新氣, 換了新風景。
從詞說起, 謝安琪大唱小巴茶餐廳, 王菀之輕嘆梵高命途, 麥俊龍唱述人魔大戰…. 內容何其多!
嗯, 不過大抵也是唱個愛字吧, 對香港的熱愛, 對偉人的敬愛…這樣算是極之無聊?
從曲說起, 方大同的soul music, 張繼聰的RnB, Yumiko 的electronica… 何其多元化!
要數 Rap, 我們不是有農夫嗎? 不是有 edison嗎? 唱的要是politics才是超勁?
還有得比。雖然, 唱方面有待提升, 但 Yumiko 近來越走越像 Gwen stefani, 也有 Grace Ip 當 Avril Lavigne 接班人。
Mika 又不是有港版 Eason 之稱嗎?
數唱功, 容祖兒, 泳兒, Janice, Justin 這些大有人在 , 數玩野, 薜凱琪, Juno 夠玩野吧, 和外國有得比吧。
我們有幾差? 我們自已本身不差, 差在有人愛抄外國歌, 令人人崇外媚外。
11個回應
回應 RSS TrackBack Identifier URI
Leave a comment
外國市場比香港大 音樂類種和歌詞主題比香港多很正常
其實外國也有一堆情歌 情歌只要做得好 唱得多不是問題吧
翻唱又何罪之有?從前的經典有很多都是翻唱的 外國沒有翻唱嗎?也有啊
只懂說香港音樂爛 外國音樂好的人 算是”識音樂”嗎?
希望那位人兄可以多留意香港樂壇
只有對香港樂壇毫無認識的人才會把香港音樂貶得一文不值
外國一樣大把垃圾歌，從來以語言，地方去界限音樂是戇居的事
前幾年不敢講，但近兩三年好玩的音樂的確多了不少。
香港music scene 又未至於你講咁好；
同時又梗係未至於果d 人所講咁差啦。
呢個香港好多呢d 人，
唔聽香港野當自己高d，
但問佢聽d 乜，佢答你聽westlife, avril Lavigne ，問你死未。
無可否認香港樂壇係比外國的普遍差幾皮，
但當然都會有好野，而且造成差的局面都唔係因為題材係情情愛愛o既，好多原因…anyway 香港音樂有香港音樂(或者中文音樂)特別的元素，就係母語元素，中文元素，我點聽外國歌都好難有中文歌在歌詞上帶來的感動的，這是事實，因為客觀事實係我地都係香港人/中國人，唔係鬼佬。
Well,我又唔覺得呢兩三年香港音樂scene 特別蓬勃，整體質素可能冇咁多呃飯食歌手…
反而99-2002年果批歌最好聽，好多因素。
其實網主觀點又幾表面
1. 自己係本地人, 當然知道本地所有出道的歌手與歌。但認識的外國歌手與歌, 當然係 top of the top , 他們才可以出口賺外滙。 用別人的 best 與自己的水準比較, 當然相差大截、天壤之別
2. 香港只是城巿, 美國、日本係國, 以人口、人材、投資金額, 比香港多數倍, 先天已不足
常用比較看別人的好, 當然看不到自己的好
同意小奧講，外國垃圾歌真係好多，打開fm106全部都hip hop。rap大部份唔係講politics，而係講黑社會… 你quote那位人兄的言論真係不敢苟同。
不過你話香港可以同佢哋比，又似乎爭d喎。始終我哋都未有一套自己風格嘅嘢，又或者係好創新。我比較覺得有需要尋吓根，認識一吓自己文化上除咗既有嘅嘢之外，仲有冇其他係可以刺激到藝術創作。雖然係有所進步，不過整體上都有好多要嘢有得再好d。
=)
唔同意HK冇個自己風格
香港有ge係 canton Pop, K 歌
但係係D人勁話悶lor
好矛盾
“香港有ge係 canton Pop, K 歌”
同意
我一直都都覺得香港其實係可以成為一個出產優質k歌的地方, 好似台灣咁
只係歌迷的要求低 + 唱片公司的拜金 + 歌手的不濟先不能成事
呢排梁靜茹果首 “原來你也唱過我的歌”
曲, 咪又係 k 到唔 k, 點解咁多人話好?
香港樂壇當然唔係一文不值, 謝安琪, 王菀之, Juno 的確係奄悶情歌以外o既好選擇. 但通常叫好唔叫座. 唱到走晒音o既唱片反而仲好賣 -_-
另一點就係香港極度欠缺 band sound (唔係草蜢果類 boy bands)
諗諗下有 D 唔對路…
Grace Ip = HK Avril Lavigne? Avril Lavigne, Mika = 英國 Eason? …
Mika 同 Avril Lavigne 都係自己作曲填詞而且可以自彈自唱, 但香港歌星似乎大部份都只識(甚至唔識)唱歌跳舞, 有音樂造詣o既實在太少
他的中文歌是指粵語呢，定話國語？
我覺得canton Pop的歌詞一D都唔悶啊，好多英文歌的歌詞米又一味love啊，baby之類。